नेकपाका नेता सुवेदीलाई हृदयाघात
काठमाडौं : हृदयाघात भएपछि नेकपाका नेता झक्कुप्रसाद सुवेदीलाई नर्भिक अस्पतालमा उपचार गरिएको छ।
सोमबार काठमाडौंबाट दाङ जाँदै गरेका सुवेदीलाई थानकोट नपुग्दै हृदयाघात भएको थियो। उनी गाडीभित्रै बेहोस भएका थिए। त्यसपछि गाडी फर्काएर नर्भिक अस्पताल ल्याएर उपचार गरिएको उनका ज्वाइँ मधु उप्रेतीले जानकारी दिए।
चिकित्सकहरूले सुवेदीलाई ‘मेजर हर्ट अट्याक’ भएको जनाएका छन्। सुवेदीको मुटुको दायातर्फको भल्भ पूर्णरूपमा बन्द भएको थियो । सोमबार दिउँसो नै उनको शल्यक्रिया गरिएको छ। अहिले उनको आईसीयू उपचार भइरहेको छ।
२०६४ सालको संविधानसभा निर्वाचनमा तत्कालीन नेकपा माओवादीबाट काठमाडौं क्षेत्र नं. २ मा तत्कालीन एमाले नेता माधव नेपाललाई हराएर सुवेदी चर्चामा आएका थिए।
प्रतिनिधिसभा सदस्य पदकाे निर्वाचनमा भने उनी कांग्रेसका भीमसेनदास प्रधानसँग पराजित भएका थिए।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा