१७ कार्तिक २०७६ , आइतवार

प्रा. डा. कोइराला मेडिकल काउन्सिलको अध्यक्ष नियुक्त

काठमाडौं : प्रा. डा. भगवान कोइराला मेडिकल काउन्सिलको अध्यक्ष नियुक्त भएका छन्। आइतबार बालुवाटारमा बसेको मन्त्रिपरिषद्को बैठकले कोइरालालाई काउन्सिलको अध्यक्ष नियुक्त गरेको हो।

प्रा.डा. कोइराला मुटुरोगका अब्बल चिकित्सक मानिन्छन्। यसअघि उनी शहीद गंगालाल हृदयरोग उपचार केन्द्र र त्रिवि शिक्षण अस्पतालको निर्देशक भइसकेका छन्। हाल उनी मनमोहन कार्डियो भाष्कुलर तथा ट्रास्पलान्ट सेन्टरमा कार्यरत छन्।

काउन्सिल अध्यक्षको कार्यकाल ४ वर्षको छ। यसअघि काउन्सिलका अध्यक्ष प्रा.डा. धर्मकान्त बाँस्कोटाको पदावधि सकिएपछि काउन्सिलको अध्यक्ष पद खाली थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।