१७ कार्तिक २०७६ , आइतवार

प्रधानमन्त्री ओलीको तेस्रोपटक मिर्गौलाको ‘डायलाइसिस’ आज

काठमाडौं : प्रधानमन्त्री केपी शर्मा ओलीको तेस्रोपटक मिर्गौलाको ‘डायलाइसिस’ गरिँदै छ। ग्राण्डी अस्पतालमै आइतबार तेस्रो पटक डायलाइसिस गरिन लागिएको प्रधानमन्त्रीको निजी सचिवालयले जनाएको छ।

प्रधानमन्त्री ओलीले यसअघि ग्राण्डी अस्पतालमा दुई पटक डायलाइसिस गराइसकेका छन्। यसअघि शनिबार बसेको नेकपा सचिवालय बैठकमा प्रधानमन्त्री ओलीले आफ्नो स्वास्थ्य अवस्थाबारे जानकरी दिएका थिए। उनले आफू सिकिस्त नभएको तर मिर्गौलाले काम गर्न भने छाडेको बताएका थिए।

आइतबार बिहान बोलाइएको मन्त्रिपरिषद् बैठक पनि प्रधानमन्त्री डायलासिसका लागि अस्पताल जाने भएपछि पछि सारिएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।