६ कार्तिक २०७६ , बुधबार

एमडी, एमएस र एमडीएमएसको प्रवेश परीक्षा शनिबार

काठमाडौं : चिकित्सा विज्ञान राष्ट्रिय प्रतिष्ठान (न्याम्स) ले स्नातकोत्तर तहको एमडी,एमएस,एमडीएमएसको प्रवेश परीक्षा यही शनिबार सञ्चालन गर्ने भएको छ।

स्वास्थ्य तथा जनसंख्या मन्त्रालयले कात्तिक १ मा न्याम्सलाई नयाँ शैक्षिक सत्र २०७६\७७ का लागि प्रवेश परीक्षा स्थगन गर्न निर्देशन दिएपछि कात्तिक २ गते सञ्चालन गर्ने भनिएको सो तहको परीक्षा स्थगन भएको थियो।

न्याम्सले मन्त्रालयको निर्देशनअनुसार कात्तिक ९ गते शनिबार प्रवेश परीक्षा सञ्चालन हुन लागेको जानकारी दिएकाे छ। नयाँ शैक्षिकसत्रका लागि नेपाल मेडिकल काउन्सिलले न्याम्सलाई एमडी, एमएस, एमडीएमएस ११५ र डीएम\एमसीएचतर्फ २१ सिट अध्यापन गर्न स्वीकृति दिएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।