५ कार्तिक २०७६ , मङ्लबार

डायटरी सप्लिमेन्ट र न्युट्रासिटिकल्स बिरामीलाई सिफारिस नगर्न विभागकाे आग्रह

काठमाडौं : औषधि व्यवस्था विभागले खाद्यपूरक सामग्री (भिटामिन वा टनिक खालका औषधि) बिरामीलाई सिफारिस नगर्न सूचना जारी गरेको छ।

विभागले सूचना जारी गर्दै डायटरी सप्लिमेन्ट र न्युट्रासिटिकल्स गैर कानुनी रूपमा आयात गरी औषधि पसलबाट फर्मास्युटिकल बनावट (ट्यावलेट\क्याब्सुल\सिरप)मा गरी गैरकानुनी रूपमा बिक्री भएको पाइएको भन्दै यस्ता औषधि पैठारी, बिक्री, सञ्चय, परिवहन तथा बिरामीलाई सिफारिस नगर्न सम्बन्धित सबैमा सूचना जारी गरेको छ।

यस्ता औषधि बिक्री भएको पाइए औषधि ऐन २०३५ बमोजिम कारबाही गर्ने पनि विभागले चेतावनी दिएको छ। विभागले यसअघि गत भदौ २ गते पनि विभागमा दर्ता नभएका यस्ता सामग्री बिक्री वितरण नगर्न सूचना जारी गरेको थियो।

हेर्नुहाेस् सूचना–

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।