२ कार्तिक २०७६ , शनिबार

स्तन क्यान्सरबारे जनचेतना फैलाउन वाकथन

काठमाडौं : स्तन क्यान्सरबारे जनचेतना फैलाउन शनिबार वाकथन गरिएको छ । क्यान्सर केयर नेपाल, नेशनल हस्पिटल एण्ड क्यान्सर रिसर्च सेन्टर, नेपाल क्यान्सर सर्भाइभर्स सोसाइटी लगायतका संस्थाले संयुक्त रुपमा यो कार्यक्रमको आयोजना गरेका हुन्।

‘हामीसँगै हिड्नुहोस्’ भन्ने नारासहित जावलाखेलस्थित नेशनल हस्पिटल एण्ड क्यान्सर रिसर्च सेन्टरबाट सुरु भएको वाकथन पाटन दरबार क्षेत्र पुगी जुम्बा डान्ससँगै सम्पन्न भएको थियो।

विश्वभरी नै अक्टोवर महिनालाई स्तन क्यान्सर सचेतना महिनाका रुपमा मनाउने गरिन्छ । यही सन्दर्भ पारेर विभिन्न संस्थाहरुले जनचेतनामूलक कार्यक्रम गरिरहेका छन्। ‘पिंक वाकथन’ नाम दिइएको वाकथनमा सहभागी सबैले पिंक टिसर्ट लगाएका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।