१ कार्तिक २०७६ , शुक्रबार

‘सातै प्रदेशमा ट्रमा सेन्टर’

काठमाडौं : दुर्घटना तथा अन्य घटनाका कारण गम्भीर घाइते हुनेहरूको उपचारका लागि सरकारले सातै प्रदेशमा ट्रमा सेन्टर खोल्ने भएको छ।

विश्व ट्रमा दिवसको अवसर पारेर बिहीबार काठमाडौंमा आयोजित एक कार्यक्रममा स्वास्थ्य तथा जनसंख्या राज्यमन्त्री डा. सुरेन्द्रकुमार यादवले राष्ट्रिय ट्रमा सेन्टरको मातहतमा रहने गरी सबै प्रदेशमा ट्रमा सेन्टर स्थापना गर्ने तयारी गरेको बताएका हुन्।

राज्यमन्त्री यादवले वीर अस्पतालमा रहेको राष्ट्रिय ट्रमा सेन्टरलाई विश्वस्तरको सेवा, सुविधायुक्त बनाउने प्रतिबद्धता पनि व्यक्त गरे। उनले स्वास्थ्य क्षेत्रमा बजेट तथा जनशक्ति दुवैको अभाव रहेको पनि दोहोर्‍याए। नीति नभएका कारण स्वास्थ्य संस्थाको विकास गर्ने अवस्थामा नरहेको पनि उनले स्पष्ट पारे।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।