अरिंगाल भुटेर खाँदा १० जना बिरामी

रुकुम पूर्व : अरिंगाल खाँदा पुथा उत्तरगङ्गा गाउँपालिका–१२ कोलका १० जना बिरामी परेका छन्।

रेश्मा बुढा, नरबहादुर बुढा, आशापुरी बुढा, गङ्गा बुढा, एलीना बुढा, करमाया बुढा, सरेश्मा बुढा, मनपुरी बुढा, मीना बुढा र आभास बुढा बिरामी परेका हुन्।

बिरामीमध्ये आभासको अवस्था गम्भीर रहेको जिल्ला अस्पतालले जनाएको छ। शनिबार बेलुका जंगलबाट ल्याएको अरिंगाल भुटेर १२ जनाले खाएका थिए।

बिरामीलाई प्राथमिक स्वास्थ्य केन्द्र कोलमा उपचारका लागि भर्ना गरिएको थियो। उनीहरूलाई थप उपचारका लागि जिल्ला अस्पताल रुकुमकोट लगिएको राससले जनाएकाे छ।

अहिले उनीहरुको स्वास्थ्यमा क्रमिक रूपमा सुधार भइरहेको जिल्ला अस्पताल रुकुम पूर्वका अहेब मदन खड्काले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।