दसैंमा आकस्मिक औषधिको अभाव हुन नदिन हटलाइन सेवा

दसैंमा आकस्मिक औषधिको अभाव हुन नदिन हटलाइन सेवा

काठमाडौं : नेपाल औषधि व्यवसायी संघ काठमाडौं शाखाले दसैंमा आकस्मिक औषधिको अभाव हुन नदिन हटलाइन सेवाको व्यवस्था गरेको छ ।

हटलाइन सेवा २४ सै घण्टा उपलब्ध हुने संघले जनाएको छ । संघले हटलाइन टेलिफोन नम्बर ९८४१२६४१७१ मा आकस्मिक औषधि र परामर्शका लागि सम्पर्क गर्न समेत आग्रह गरेको छ । चाडपर्वको समयमा आकस्मिक औषधिको अभाव हुन नदिन हटलाइन सेवा सुरु गरेको संघले जनाएको छ ।

हटलाइनबाट क्यान्सर, मुटुरोग, मधुमेहका औषधिदेखि दुर्घटनामा परेका बिरामीको लागि आवश्यक पर्ने औषधिकाे माग गर्न सकिनेछ ।