काठमाडौ :  नेपाल नर्सिङ संघले नर्स रोशनी शाहीको घटनाप्रति ध्यानाकर्षण गराउँदै विज्ञप्ति निकालेको छ ।

नर्स शाहीलाई पूर्वसभामुख कृष्णबहादुर महरासँग जोडेर जुन घटना बाहिर आएको छ त्यसको सत्य तथ्य सूचना सार्वजनिक गर्न सम्बन्धित निकायलाई संघले माग गरेको छ ।

संघले निकालेको विज्ञप्तिमा ‘उक्त विवादास्पद घटनाको छानविन गरी सत्यतथ्य कुरा प्रकाश पार्न सम्बन्धित निकाय समक्ष जोडदार माग गर्दछौं’ उल्लेख छ ।

शाहीले आफूलाई महराले जबरजस्ती करणी गरेको आरोप लगाए पनि  त्यसकाे २४ घण्टा नपुग्दै बयान फेर्दै उनले आफनो लागि महरा बाबु समान भएको बताएकी छिन्। संघले कसैको दवावमा परेर यस्तो आएको हुनसक्ने भन्दै यसको सत्य कुरा के हो बाहिर आउनुपर्छ भनेर विज्ञप्ति निकालिएको अध्यक्ष तारा पाेखरेलले बताइन्। शाही अन्यायमा परेकी छिन भने न्याय पाउनुपर्छ उनले भनिन्।

विज्ञप्ति: