१६ अशोज २०७६ , बिहिबार

नेपाल क्यान्सर अस्पतालमा एक महिनाका लागि स्तन जाँचमा विशेष छुट

काठमाडौं: अक्टोबर महिनालाई स्तन क्यान्सर सचेतना महिनाका रुपमा मनाउने गरिन्छ । यही अवसर पारेर ललितपुरको हरिसिद्धिस्थित नेपाल क्यान्सर हस्पिटल तथा रिसर्च सेन्टरले महिलाहरुका लागि विशेष अफर ल्याएको छ । अक्टोबर महिनाभरी स्तन सम्बन्धी जाँचमा ५० प्रतिशत छुट दिने अस्पतालले जनाएको हो ।

नेपालीको क्यान्सर नेपालमै भन्ने मूल नाराका साथ अघि बढेको यस अस्पतालले विभिन्न दिवसको अवसर पारेर बिरामीका लागि छुट दिने गरेको छ ।

महिलाहरुमा स्तन क्यान्सर पाठेघरको मुखको क्यान्सर पछि बढी हुने क्यान्सरमा पर्छ । जसका कारण धेरैले ज्यान गुमाउने गरेका छन्। यही कुरालाई मध्यनजर गर्दै समयमै जाँच गरुन भनेर यो एक महिनाका लागि छुट अफर ल्याएको अस्पतालले जनाएको छ । यसका साथै अस्पतालले यो महिनाभरी नै विभिन्न सचेतनामूलक कार्यक्रमहरु पनि गरिरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।