१४ अशोज २०७६ , मङ्लबार

धौलागिरि अञ्चल अस्पतालमा नयाँ भवन

बागलुङ : गण्डकी प्रदेशका सामाजिक विकासमन्त्री नरदेवी पुनले धौलागिरि अञ्चल अस्पतालको सुविधासम्पन्न ‘बी’ ब्लक भवन उद्घाटन गरेकी छिन्।

२०६६ वैशाखमा निर्माण शुरू भएकाे भवन निर्माण गर्न छ करोड ६० लाख ३९ हजार २१४ रूपैयाँ लागेको आयोजना कार्यान्वयन एकाइ कास्कीले जनाएको छ। तीनतले उक्त भवनमा ३२ वटा कोठा छन्।

अस्पताल व्यवस्थापन समितिका अध्यक्ष केवी रानामगरले भवन निर्माणसँगै बिरामीको उपचारमा सहज हुने बताए। अस्पतालका मेडिकल सुपरिटेन्डेन्ट डा. शैलेन्द्र बी. पोखरेलले नयाँ भवनबाट फार्मेसी, प्रयोगशाला, निःशुल्क औषधि वितरण, हाड जोर्नी तथा नसा रोग विभाग, नाक–कान– घाँटी रोग विभाग, सर्जरी विभाग, सामान्य उपचार सेवा, भिडियो एक्सरे सेवा विभाग, दन्त सेवा, बालरोग विभाग, स्त्री तथा प्रसूति विभागलगायत रहेकोे जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।