१३ अशोज २०७६ , सोमवार

नेपाल आज ‘खुला दिसामुक्त’ हुँदै

काठमाडौं : आज देशलाई खुला दिसामुक्त राष्ट्र घोषणा गरिँदैछ। काठमाडौंमा भव्य कार्यक्रम गरी प्रधानमन्त्री केपी शर्मा ओलीले सोमबार नेपाललाई खुला दिसामुक्त घोषणा गर्ने कार्यक्रम छ।

घोषणासँगै नेपाल दक्षिण एसियाली राष्ट्रहरूमध्ये नेपाल खुला दिसामुक्त राष्ट्र घोषणा हुनेमा पहिलो हुनेछ। नेपालमा २०६८ सालदेखि खुला दिसामुक्त मुलुक बनाउने अभियान शुरु भएको थियो।

खानेपानी मन्त्रालयका अनुसारअनुसार हालसम्म देशका ५६ लाख ६० हजार २१४ घरमा शौचालय बनिसकेका छन्। नेपालका करिब सबै घरधुरीमा सरसफाइको आधारभूत सुविधा एवं शौचालयको पहुँच पुगेको र देशका ७७ वटै जिल्ला खुला दिसामुक्त भइसकेकाले साेमबार देशलाई खुला दिसामुक्त घोषणा गर्न लागेको सरकारले जनाएकाे छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।