१३ अशोज २०७६ , सोमवार

स्वास्थ्यचौकीलाई प्रवासीले गरे एक लाख सहयाेग

म्याग्दी : जिल्लाका प्रवासी एक व्यक्तिले प्राथमिक स्वास्थ्यचौकीको स्तरवृद्धिका लागि एक लाख रुपैयाँ सहयोग गरेका छन्।

जिल्लाको मङ्गला गाउँपालिका–१ कुँहु तुसारेपानी मूल थलो भएका र हाल अष्ट्रेलियाको सिड्नीमा बस्दै आएका मुक्ति रोकामगरलेले मालिका गाउँपालिका–६ दरबाङमा रहेको स्वास्थ्य केन्द्रलाई एक लाख रुपैयाँ सहयोग गरेका हुन्।

स्वास्थ्य केन्द्रमा आफूद्वारा आयोजित निःशुल्क दन्त शिविरमा मगरले स्वास्थ्य केन्द्रमा विपन्न नागरिकको औषधोपचार र स्वास्थ्य सामग्री खरीदका लागि सहयोग गरेको बताए।

शिविर आइतबार सम्पन्न भएको छ। पश्चिम म्याग्दीका मंगला, मालिका र धौलागिरि गाउँपालिकालाई लक्ष्य गरी आयोजित निःशुल्क दन्त शिविरमा ७०० बढीले सेवा लिएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।