१० अशोज २०७६ , शुक्रबार

विश्व मुटु दिवसमा अल्का अस्पतालले नि:शुल्क परीक्षण गर्ने

काठमाडौं : विश्व मुटु दिवसका अवसरमा ललितपुरको जावलाखेलस्थित अल्का अस्पतालले विभिन्न ल्याब परीक्षण निःशुल्क गर्ने भएको छ। अस्पतालले यही असोज १२ गते इसिजी, इको, लिपिड प्रोफाइल, क्रेटिनाइन र ब्लड सुगर फास्टिङ परीक्षण निःशुल्क गर्न लागेको हो।

शिविरमा चिकित्सकले सिफारिस गरेका परीक्षणहरू मात्र निःशुल्क हुने अस्पतालले जनाएको छ। शिविरमा जाँच गरिएका बिरामीहरूलाई १० दिनसम्मका लागि औषधि निःशुल्क गर्ने बताइएको छ। यस्तै जाँच गरेका विरामीहरुको १४ दिनसम्मका लागि ‘फलो अप’मा आउँदा पैसा नपर्ने व्यवस्था गरिने छ।

अस्पतालसहित लायन्स क्लब अफ काठमाडौँ अल्का र लियो क्लब अफ काठमाडौं अल्काले विश्व मुटु दिवस संयुक्त रूपमा मनाउने जानकारी दिएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।