६ अशोज २०७६ , सोमवार

स्वास्थ्यचौकीलाई जग्गादान

खोटाङ : दिक्तेल रूपाकोट मझुवागढी नगरपालिका–४ खाल्लेका बासिन्दाले स्वास्थ्यचौकीलाई जग्गादान गरेका छन्।

चार आना जग्गामा निर्माण गरिएको जीर्ण भवनबाट सेवा प्रवाह गर्दै आएको स्वास्थ्य चौकीलाई स्थानीय मोतिप्रसाद अधिकारी, गोविन्द भण्डारी, लीलानाथ भण्डारी र बोलनादेवी भण्डारीले पाँच रोपनी दुई आना जग्गादान गरेका हुन्।

सुविधा सम्पन्न भवनलगायत संरचना निर्माणका लागि मोतिप्रसादले तीन लाख ५० हजार, गोविन्दले दुई लाख ५० हजार, लीलानाथले दुई लाख र बोलनादेवीले एक लाख रुपैयाँ मूल्यबराबरको जग्गा आइतबार जिल्ला मालपोत कार्यालयमार्फत स्वास्थ्यचौकीको नाममा पास गरिदिएका छन्।

जग्गा नहुँदा स्वास्थ्यचौकी खाल्लेले हाल २७ वर्षअघि निर्माण गरिएको जीर्ण भवनबाट स्वास्थ्य सेवा प्रवाह गरिरहेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।