सीएमसी विद्यार्थीसँग लिएकाे बढी शुल्क एक महिनाभित्र फिर्ता गर्न सहमत
चितवन : चिमेडिकल कलेज (सीएमसी) सरकारले तोकेको भन्दा बढी शुल्क एक महिनाभित्र फिर्ता गर्न सहमत भएको छ।
जिल्ला प्रशासन कार्यालय चितवनमा शनिबार आन्दोलनरत विद्यार्थी, चितवन मेडिकल कलेज र विद्यार्थीका प्रतिनिधिको त्रिपक्षीय छलफलपछि सीएमसी तोकेको भन्दा बढी शुल्क फिर्ता गर्न सहमत भएको हाे।
बैठकले शुल्कसम्बन्धी अध्ययन गर्न जिल्ला प्रशासन कार्यालय र शिक्षा कार्यालयका एक–एकजना, चितवन मेडिकल कलेजका दुईजना, आन्दोलनरत विद्यार्थीका दुईजना र अभिभावकका तर्फबाट एकजना प्रतिनिधि रहेको कार्यदल गठन गरेको छ। कार्यदलले थप शुल्क लिए नलिएको अध्ययन गरेर असोज १० गतेभित्र जिल्ला प्रशासन कार्यालयमा प्रतिवेदन बुझाउने छ।
प्रतिवेदन आएपछि थप कदम चाल्ने सहमति भएको चितवन मेडिकल कलेजका प्रमुख सञ्चालक हरिशचन्द्र न्यौपानेले जानकारी दिए। यससँगै तीन हप्तादेखि जारी विद्यार्थीहरूको आन्दोलन फिर्ता भएको छ। सहमतिसँगै आइतबारबाट नै पठनपाठन हुने बताइएकाे छ।
विद्यार्थीले सञ्चालन गरेका सबै विरोधका कार्यक्रम भोलिदेखि नै स्थगन गरेर पठनपाठन सञ्चालन गर्ने सहमति भएको प्रमुख जिल्ला अधिकारी जितेन्द्र बस्नेतले जानकारी दिए। तर आन्दोलनरत विद्यार्थीका अगुवा प्रकाश चन्दले सहमति कार्यान्वयन नभए फेरि आन्दोलन थाल्ने प्रतिक्रिया दिए।
यसअघि शुक्रबार त्रिभुवन विश्वविद्यालयले एमबीबीएसको अध्ययनका लागि चितवन मेडिकल कलेज एण्ड साइन्सेज, भरतपुरलाई सरकारले तोकेकोभन्दा बढी लिएका शुल्क फिर्ता गर्न आग्रह गरेको थियो।
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ
स्वास्थ्यकर्मीहरुलाई नसर्ने रोग नियन्त्रण सम्बन्धी तालिम