३१ भदौ २०७६ , मङ्लबार

चिकित्सा शिक्षा स्नातक तह प्रवेश परीक्षाकाे नयाँ मिति तय

काठमाडौं : चिकित्सा शिक्षाअन्तर्गतका एमबीबीएस, बीडीएस, बीएनएस, बीएस्सी नर्सिङ, बीपीएचको प्रवेश परीक्षा असोज ३, ५, ६ र ७ गते हुने भएको छ।

सोमबार बसेको चिकित्सा अध्ययन संस्थानअन्तर्गत स्नातक तह प्रवेश परीक्षा सञ्चालक समितिको बैठकले मिति तय गरेको हो। यसअघि ती परीक्षा यही भदौ २१, २२ , २३ र २४ गते तय गरिएका थिए।

सर्वोच्च अदालतले सो मितिमा ती तहका परीक्षा रोक्न संस्थानलाई आदेश गरेपछि स्थगन गरेर पुनः गर्न अर्को मिति निर्धारण गरिएको हो। ती तहका नयाँ शैक्षिक कार्यक्रमअन्तर्गत एमबीबीएसमा मात्र करिब १८ हजार छात्रछात्राले प्रवेश परीक्षाका लागि आवेदन दिएका थिए।

हाल त्रिवि, काठमाडौंँ विश्वविद्यालय, स्वास्थ्य मन्त्रालयअन्तर्गतका २२ कलेजमा एमबीबीएसको अध्ययन हुन्छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।