धादिङमा २३ जनामा डेंगु संक्रमण
धादिङ : जिल्लामा २३ जनामा डेंगु संक्रमण भेटिएको छ। उच्च ज्वरो तथा टाउको दुखाइका कारण जिल्ला अस्पताल धादिङमा जचाँउन आएका बिरामीमा डेंगु संक्रमण भेटिएको हो।
रगत परीक्षणका क्रममा २३ जनामा डेंगु संक्रमण भेटिएको जिल्ला अस्पताल धादिङका मेडिकल सुपरिटेन्डेन्ट डा. त्रिभुवनचन्द्र झाले बताए।
डेंगु संक्रमणले धादिङबासी त्रसित बनेका छन् । धादिङमाआर्थिक वर्ष ०७४\७५ मा ५ जनामा डेंगु संक्रमण देखिएको थियो। याे वर्ष दुई महिनामै २३ जनामा डेंगु संक्रमण देखिएको झाले बताए।
डेंगु संक्रमण बढेपछि जनचेतनाका कार्यक्रम सुरु गरिएको स्वास्थ्य कार्यालयले जनाएकाे छ। जिल्लाको नीलकण्ठ नगरपालिका, धुनिबेँसी नगरपालिका, ज्वालामुखी गाउँपालिका, सिद्धलेक गाउँपालिका र खनियावास गाउँपालिकामा संक्रमण देखिएकले ती ठाउँमा जनचेतनाका काम गरिरहेकाे कार्यालयका प्रमुख वरिष्ठ जनस्वास्थ्य प्रशासक भुवन पौडेलले बताए ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा