कैलाली : गोदावरी नगरपालिका–२ मा आयाेजित निःशुल्क आँखा शिविरबाट ५७६ ले सेवा लिएका छन्। लायन्स  क्लब अफ अत्तरिया सिटी, नेपाल नेत्र ज्योति सङ्घ र गेटा आँखा अस्पतालको संयुक्त आयोजनामा शनिबार आँखा शिविर गरिएकाे हाे।

गोदावरी नगरपालिकाका विभिन्न वडाबाट आएका ५७६ वृद्धवृद्धाले शिविरमा सेवा लिएका हुन्। तीमध्ये ७० जनामा मोतियाविन्दुको समस्या देखापरेको छ भने छ जनामा आँखाभित्र मासु पलाएको समस्या देखापरेको लायन्स क्लब अफ अत्तरिया सिटीका अध्यक्ष प्रमोद अधिकारीले जानकारी दिए।

अधिकारीका अनुसार मोतियाविन्दु र मासु पलाएको समस्या देखिएकाहरूको निःशुल्क शल्यक्रिया गेटा आँखा अस्पतालमा गरिने भएको छ।  आँखाका अन्य बिरामीलाई निःशुल्क चश्मा र औषधि वितरण गरिएको अध्यक्ष अधिकारीले बताए।