२५ भदौ २०७६ , बुधबार

संखुवासभामा १० जनालाई डेंगु संक्रमण

संखुवासभा : खाँदबारी नगरपालिका–९ तुम्लिङटार विमानस्थल क्षेत्रमा ६ जना डेंगु संक्रमित भेटिएका छन्। योसहित डेंगु संक्रमित बिरामी १० पुगेको जिल्ला स्वास्थ्य कर्यालयले जनाएको छ।

यसअघि सदरमुकाम खाँदबारीमा एक, मानेभञ्ज्याङमा एक र चैनपुरमा दुई जनामा डेंगु देखा परेको थियो। तुम्लिङटारमा पहिलो पटक डेंगु देखिएको स्वास्थ्य कार्यालय प्रमुख रमेश बाह्रकोटीले जानकारी दिए।

जिल्ला अस्पतालका अनुसार केही समयअघि जिल्ला अस्पतालमा जाँच गर्न आएका एक जनामा डेंगुको शंका लागेर नमुना स्वास्थ्य मन्त्रालयमा पठाइएको थियो। नमुनाको आधारमा डेंगु लागेको पुष्टि भएको हो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।