२५ भदौ २०७६ , बुधबार

प्रधानमन्त्री ओली स्वास्थ्य जाँचका लागि बिहानै पुगे मनमोहन सेन्टरमा

काठमाडौं : प्रधानमन्त्री केपी शर्मा ओली स्वास्थ्य जाँचका लागि बुधबार बिहान त्रिवि शिक्षण परिसरमा रहेको मनमोहन कार्डियोथोरासिक भास्कुलर तथा ट्रान्सप्लान्ट सेन्टर पुगेका छन्।

प्रधानमन्त्री ओली नियमित स्वास्थ्य जाँचका लागि बुधबार बिहानै महाराजञ्जस्थित मनमोहन सेन्टरमा पुगेका हुन्। स्रोतका अनुसार सिंगापुरबाट फर्केपछिको केही फलोअपका लागि उनी त्यहाँ पुगेका हुन्। केही दिन अघिमात्र सिंगापुरस्थित नेसनल युनिभर्सिटी अस्पतालमा प्लाज्मा फेरिसिस प्रक्रियामार्फत उपचार गराई उनी स्वदेश फर्किएका थिए।

उनको १२ वर्ष अघि मिर्गौला प्रत्यारोपण गरिएको थियो। स्रोतका अनुसार केही महिना यता उनको प्रत्यारोपण गरेको मिर्गौलामा केही समस्या आइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।