भरतपुर अस्पतालका कर्मचारी आन्दोलित
चितवन : भरतपुर अस्पतालका कर्मचारीहरू आन्दोलनमा उत्रिएका छन्। अस्पताल विकास समिति कर्मचारी युनियनले सोमबार पत्रकार सम्मेलन गरी प्रशासनविरुद्ध चरणबद्ध आन्दोलनका कार्यक्रम सार्वजनिक गरेको हो।
कर्मचारीहरूले विभिन्न ११ बुँदे माग राखेका छन्। कर्मचारीको जायज मागबारे पटकपटक ध्यानाकर्षण गराउँदा पनि अस्पताल प्रसासनले आनाकानी गरेकाले आन्दोलनमा उत्रिएको युनियनका अध्यक्ष चन्द्रमणि बस्यालले बताए। युनियनले विगत ५५ दिनदेखि विना करार नविकरण र विनातलब कार्य गराउँदा प्रशासन गैह्र जिम्मेवार बनेको, डेंगु लगायतका प्रकोप नियन्त्रण तथा उपचारमा खटिएका कर्मचारीको मनोबल कमजोर बनाउने कार्य गरेको लगायतका विभिन्न आरोप पनि लगाएका छन्।
युनियनले सम्पूर्ण कर्मचारीको असरा मसान्तपछि रोकिएको करार नवीकरण गरी स्केल अनुसार तलब दिनुपर्ने, सुत्केरी तथा दुर्घटनाको अवस्थामा नियमअनुसार विदा दिनुपर्नेलगायत माग गरेका छन्।
उनीहरूले भदौ २४ देखि २७ गतेसम्मका विभिन्न आन्दोलनका कार्यक्रम सार्वजनिक गरेका छन्।
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै