डेंगुका बिरामी बढेसँगै रगत अभाव
चितवन : डेंगुका बिरामी बढेसँगै जिल्लामा रगत अभाव देखिएको छ। क्षेत्रीय रक्तसञ्चार केन्द्र भरतपुरका अनुसार नियमित रक्तदान नहुँदा डेंगु संक्रमितलाई आवश्यक पर्ने सेतो रगत पुर्याउन कठिन भएको हो।
अस्पतालमा अहिले दैनिक १०० युनिट सेतो रगतको माग छ। केन्द्रले ६० देखि ७० युनिट मात्रै उपलब्ध गराउन अस्पतालका प्रमुख रमेशकान्त पौडेलले जानकारी दिए। सेतो रगतले ‘प्लेटलेट’ निर्माणका लागि सहयोग गर्छ। डेंगु संक्रमितलाई आवश्यक पर्ने सेतो रगत रक्तदान गरेको छ घण्टाभित्र बनाई सक्नुपर्छ।
नेपाल रेडक्रस सोसाइटी जिल्ला शाखा सभापति ज्ञानशाली न्यौपानेका अनुसार जिल्लामा नियमित रक्तदान नहुँदा बिरामीको मागअनुसार रगत पुर्याउन नसकिएको हो। पछिल्लो समय डेंगु संक्रमित बढेपछि अझै थप समस्या देखिएको हो।
न्यौपानेका अनुसार जिल्लामा सेतो रगतसँगै रातो रगतको पनि माग बढेको छ । त्यसैले रक्तदान गर्न सबैलाई आह्वान गरिएको छ। अहिले रातो रगतको माग दैनिक ७० युनिट भए पनि ५० युनिट मात्रै पुर्याउन सकिएको उनको भनाइ छ।
केन्द्रले चितवन, तनहुँ, गोरखा र लमजुङ लगायत १० जिल्लाबाट रगत संकलनगर्दै आएको छ। असार साउनमा खेती गर्ने समय भएकाले रगतको अभाव भए पनि अहिले बिरामीको चाप बढेसँगै रगत अभाव देखिएको न्यौपानेको तर्क छ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा