भाइरल ज्वरो र रुघाखोकी संक्रमणले गाउँ नै प्रभावित
सुर्खेत : जिल्लाको बराहताल गाउँपालिकाको चेपाङ गाउँमा भाइरल ज्वरो र रुघाखोकी संक्रमण फैलिएको छ। यो गाउँमा दुई सातादेखि भाइरल ज्यरोको संक्रमण फैलिएको छ।
उपचार र औषधि नहुँदा अहिले गाउँका अधिकांश बासिन्दा थलिएका छन्। अधिकांश गाउँले बिरामी भएपछि उनीहरूलाई उपचारका लागि बड्डिचौर र वीरेन्द्रनगर ल्याउन थालिएको छ।
गाउँमा सिटामोलसमेत नहुँदा बिरामी बोकेर उपचारका लागि ल्याउनुपर्ने बाध्यता रहेको स्थानीय बासिन्दा बताउँछन्। वराहताल–५ स्थित सामुदायिक स्वास्थ्य एकाइमा सिटामोलसमेत नभएको उनीहरूले जानकारी दिए।
भाइरलले थला परेका बिरामी दुई घण्टाको बाटो हिँडेर बड्डिचौर र वीरेन्द्रनगर आउने गरेका छन्। गाँउमा यातायातको पहुँच नभएकाले ‘स्ट्रेचर’मा बोकेर बिरामी ल्याउनुपर्दा झनै समस्या छ।
सामुदायिक स्वास्थ्य एकाइमा जाँदा सिटामोल पनि नपाइने गरेको स्थानीय बताउँछन्। दुई सातादेखि उपचारका लागि बिरामीको घुइँचाे लागेकाे सामुदायिक स्वास्थ्य एकाइ प्रमुख भुवन पौडेलले जानकारी दिए।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा