रूपन्देही : डेंगुको सङ्क्रमणबाट बुटवलमा एक जनाको मृत्यु भएको छ।

कपिलवस्तुको वाणगङ्गा नगरपालिका–७ मोतिपुर निवासी ६१ वर्षीया सावित्रा आचार्यको उपचारको क्रममा आज मृत्यु भएको लुम्बिनी प्रादेशिक अस्पतालका मेसु डा. कृष्ण खनालले जानकारी दिए।

आचार्यलाई लगातार ज्वरो आएपछि परीक्षण गराउदा डेंगुको संक्रमण भएकाे भेटिएको थियो। तीन दिनदेखि लुम्बिनी प्रादेशिक अस्पतालको सघन उपचार कक्षमा उपचार गरे पनि रगतमा प्लेटलेट्सको मात्रा नबढेपछि साँझ साढे ५ बजे उनकाे निधन भएको अस्पतालले जनाएको छ।