काठमाडाैं:  सर्वाेच्च अदालतले भोलि अर्थात शनिबार हुने भनिएकाे  त्रिभुवन विश्वविद्यालय चिकित्साशास्त्र अध्ययन संस्थान आईओएम अन्तरर्गतको एमबीबीएसको प्रवेश परीक्षा सञ्चालन नगर्न त्रिविका नाममा अन्तरिम आदेश जारी गरेको छ ।

सर्वाेच्चका न्यायाधीश तेजबहादुर केसीको एकल इजलासले शनिबार  हुने भनिएको प्रवेश परीक्षा स्थगित गरी आगामी २५ भदौमा छलफलका लागि आउन विपक्षीका नाममा आदेश दिएको हो ।

चिकित्सा शिक्षा संघर्ष समिति बनाएर  विद्यार्थीहरू  ७५ प्रतिशत छात्रवृत्ति हुनुपर्ने लगायतका माग राखेर आन्दोलनमा उत्रिएका थिए ।