१९ भदौ २०७६ , बिहिबार

कृषिमन्त्री खनाललाई डेंगु संक्रमण

काठमाडौं : कृषि तथा पशुपक्षी विकास मन्त्री चक्रपाणि खनाललाई डेंगुको संक्रमण देखिएको छ।

ज्वरो आउने, टाउको दुख्ने समस्या देखिएपछि मन्त्री खनाल निदान हस्पिटल पुगेका थिए। हस्पिटलले डेंगु भएको आशंकामा उनलाई टेकुस्थित शुक्रराज ट्रपिकल तथा सरुवा रोग अस्पतालमा ‘रेफर’ गरेको थियो

शुक्रराज अस्पतालमा रगत परीक्षण गराउँदा डेंगु भएको पुष्टि भएको मन्त्री खनालको निजी सचिवालयले जनाएको छ। उनलाई बुधबारदेखि ग्राण्डी अस्पतालमा भर्ना गरी उपचार शुरु गरिएको बताएको छ।

उनकाे स्वास्थ्य अहिले सामान्य रहेको सम्भवतः भोलि डिस्चार्ज हुने सचिवालयले जनाएकाे छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।