१२ भदौ २०७६ , बिहिबार

डा. केसीले गरे डडेल्धुरा अस्पतालको अवलोकन

डडेल्धुरा : सुदूरपश्चिम प्रदेशकाे पहाडी जिल्लाको भ्रमणमा रहेका डा. गोविन्द केसीले डडेल्धुरा अस्पतालको अवलोकन गरेका छन्।

उनले बिहीबार अस्पतालको वस्तुस्थिति र बिरामीहरूको अवस्थाबारे जानकारी लिएकाे डडेल्धुरा अस्पतालका मेडिकल सुपरिटेण्डेन्ट डा. जितेन्द्र कँडेलले बताए।

यसअघि उनले बुधबार डोटी जिल्ला अस्पतालको अवलोकन गरेका थिए। उनले सुदूरपश्चिमकाे भ्रमणलाई व्यक्तिगत भनेका छन्।

डा. केसी लामाे समयदेखि चिकित्सा शिक्षा सुधारका लागि आन्दोलनरत छन्। उनले डाेटी र डडेल्धुराजस्ता दुर्गममा पनि मेडिकल कलेज खुल्नुपर्ने माग राख्दै आएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।