११ भदौ २०७६ , बुधबार

स्वास्थ्य सेवा विभागका महानिर्देशक डा. प्याकुरेलको पदावधि थप्न प्रस्ताव

काठमाडौं: स्वास्थ्य तथा जनसंख्या मन्त्रालयले स्वास्थ्य सेवा विभागका महानिर्देशक डा. सुशीलनाथ प्याकुरेलको पदावधि थप्ने प्रस्ताव मन्त्रिपरिषदमा पठाएको छ ।

डा.प्याकुरेलको पदावधि एक वर्ष थप्न प्रस्ताव गरिएको हो। प्रमुख विशेषज्ञ रहेका १२ औँ तहका डा. प्याकुरेलले ६० वर्षे उमेर हदका कारण आगामी भदौ २२ मा अवकास पाउँदैछन्। स्वास्थ्य मन्त्रालयले विज्ञका रुपमा उनलाई थप एक वर्ष पदावधि थप्ने प्रस्ताव पठाएको हो।

मन्त्रालयले स्वास्थ्य सेवा ऐन २०५३ को दफा ४५ को उपदफा २ अनुसार उनको पदावधि थप गर्न प्रस्ताव गरिएको जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।