१० भदौ २०७६ , मङ्लबार

धादिङमा डेंगु र ठेउलाका बिरामी बढे

धादिङ : जिल्लामा डेंगु र ठेउला रोगको संक्रमण देखिन थालेको छ। जिल्ला अस्पताल धादिङबेसीमा उपचार गराउन आउनेहरूमा ठेउलाका बिरामी बढी देखिएका छन्।

भदौ महिनामा जिल्ला अस्पतालमा उच्च ज्वरो आएका बिरामीको स्वास्थ परीक्षण गर्दा पाँच जनामा डेंगु र १७ जनामा ठेउला देखिएको जिल्ला अस्पताल धादिङले जानकारी दिएको छ।

अन्य बिरामीमा पनि संक्रमण भएको हुनसक्ने चिकित्सकहरूकाे अनुमान छ। बिरामीको संख्या बढेसँगै अस्पतालमा यो रोगको प्रारम्भिक परीक्षणका लागि आवश्यक पर्ने सामग्री अभाव भएको छ। परीक्षण गर्ने किट थोरै सङ्ख्यामा भएकाले शंकास्पद सबै जनाको परीक्षण गर्न कठिनाइ भएकाे छ।

शंकास्पद बिरामीहरूमा परीक्षण गर्न नपाएका कारण समस्या उत्पन्न भएको चिकित्सकहरूले बताएका छन्। बजार क्षेत्र भन्दा ग्रामीण क्षेत्रका स्थानीयमा बढी यी रोग फेला पर्न थालेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।