८ भदौ २०७६ , आइतवार

प्रधानमन्त्री ओलीको स्वास्थ्य अवस्था सामान्य

काठमाडौं : प्रधानमन्त्री केपी शर्मा ओलीको स्वास्थ्य अवस्था सामान्य रहेको उनको सचिवालयले जनाएको छ।

प्रधानमन्त्री ओलीको मिर्गौलामा एन्टीबडीको मात्रा बढेको छ। त्यसैले प्लाज्मा फेरेसिस प्रक्रियामार्फत शुक्रबारदेखि उपचार थालिएको प्रधानमन्त्रीकी निजी चिकित्सक प्राध्यापक डा. दिव्यासिंह शाहलाई उद्धृत गर्दै प्रेस सल्लाहकार डा. कुन्दन अर्यालले जानकारी दिए।

अरू केहीपटक प्लाज्मा फेरेसिस गर्नुपर्ने बताइएको छ। चिकित्सकका अनुसार, प्लाज्मा फेरेसिस उपचार विधि सुरुमा तीन पटकसम्म गरिन्छ। त्यसपछि पनि एन्टिबडीको मात्रा नघटे बढाएर ६ पटकसम्म गर्नुपर्छ।

१२ वर्षअघि मिर्गौला प्रत्याराेपण गरेका प्रधानमन्त्री ओली गत बिहीबार सिंगापुर प्रस्थान गरेका थिए। अहिले नेसनल युनिभर्सिटी हस्पिटलमा उनको उपचार भइरहेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।