७ भदौ २०७६ , शनिबार

सुत्केरी गराउने क्रममा जिल्ला अस्पतालमा मृत्यु

बाजुरा : बडिमालिका नगरपालिका-७ कि एक महिलाकाे सुत्केरी गराउने क्रममा मृत्यु भएको छ। कृष्ण नेपालीकी श्रीमती २१ वर्षीया वसन्ती नेपालीको जिल्ला अस्पताल बाजुरामा मृत्यु भएको बताइएकाे छ।

सुत्केरी व्यथाले च्यापेपछि आफन्तले शुक्रबार साँझ उनलाई जिल्ला अस्पताल पुर्याएका थिए। शनिबार बिहान जिल्ला अस्पताल बाजुरामा उनको मृत्यु भएको हो। आफन्तहरूले चिकित्सकहरूको लापरबाहीले नेपालीको मृत्यु भएको आरोप लगाएका छन्।

बच्चा जन्माउन नसक्ने भएपछि चिकित्सकद्वय दुर्गा महर्जन र टिकाराम राईले भ्याकुम प्रयोग गर्दा पाठेघरबाट अत्यधिक रगत बगेपछि उनको मृत्यु भएको जिल्ला अस्पतालका निमित्त प्रमुख डा‍. रोहित गिरीले बताए।

वसन्तीका श्रीमान् रोजगारीका सिलसिलामा कुबेतमा छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।