दुर्घटनामा एम्बुलेन्स चालकको मृत्यु
मोरङ : सुन्दरहरैचा नगरपालिका ७ स्थित पूर्व पश्चिम राजमार्गमा एम्बुलेन्स ट्रकसँग ठोक्किँदा एकजनाको मृत्यु भएको हो। दुर्घटनामा ६ जना घाइते भएका छन्।
दुर्घटनामा एम्बुलेन्स चालक इलाम नगरपालिका २ का २१ वर्षीय रमेश निरौलाको घटनास्थलमा मृत्यु भएको प्रहरीले जनाएको छ।
बिहीबार राति करिब १ बजेतिर पूर्वबाट पश्चिम जाँदै गरेको मे १ च २००३ नम्बरको एम्बुलेन्स र विपरीत दिशाबाट आउँदै गरेको ना ५ ख १९२५ नम्बरको ट्रकसँग ठोक्किएको थियो।
दुर्घटनामा एम्बुलेन्समा सवार ५ जना र ट्रकका सहचालक घाइते भएका छन्। घाइते सबैको उपचार बीपी कोइराला स्वास्थ्य विज्ञान प्रतिष्ठान धरानमा भइरहेको छ।
ट्रकका चालक फरार छन्।दुर्घटनामा परेका दुवै सवारी साधन इलाका प्रहरी कार्यालय बेलवारीको नियन्त्रणमा छ।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?