मोरङ : सुन्दरहरैचा नगरपालिका ७ स्थित पूर्व पश्चिम राजमार्गमा एम्बुलेन्स ट्रकसँग ठोक्किँदा एकजनाको मृत्यु भएको हो। दुर्घटनामा ६ जना घाइते भएका छन्।

दुर्घटनामा एम्बुलेन्स चालक इलाम नगरपालिका २ का २१ वर्षीय रमेश निरौलाको घटनास्थलमा मृत्यु भएको प्रहरीले जनाएको छ।

बिहीबार राति करिब १ बजेतिर पूर्वबाट पश्चिम जाँदै गरेको मे १ च २००३ नम्बरको एम्बुलेन्स र विपरीत दिशाबाट आउँदै गरेको ना ५ ख १९२५ नम्बरको ट्रकसँग ठोक्‍किएको थियो।

दुर्घटनामा एम्बुलेन्समा सवार ५ जना र ट्रकका सहचालक घाइते भएका छन्। घाइते सबैको उपचार बीपी कोइराला स्वास्थ्य विज्ञान प्रतिष्ठान धरानमा भइरहेको छ।

ट्रकका चालक  फरार छन्।दुर्घटनामा परेका दुवै सवारी साधन इलाका प्रहरी कार्यालय बेलवारीको नियन्त्रणमा छ।