चितवनमा एक महिनामा १०६ जनालाई डेंगु
चितवन : जिल्लामा एक महिनामा १०६ जनामा डेंगुको संक्रमण देखिएको छ। जिल्ला स्वास्थ्य कार्यालय चितवनले दिएको जानकारीअनुसार ४५३ जनामा गरिएको परीक्षणका क्रममा १०६ जनामा संक्रमण भेटिएको हो।
कार्यालयका किट नियन्त्रक राम केसीका अनुसार संक्रमितमध्ये ७८ जना चितवनका हुन्। तीमध्ये ६९ जना भरतपुर महानगरपालिकाका छन्। भरतपुर महानगरपालिका वडा नं १, २ र ३ मा बढी सङ्ख्यामा डेंगुको जोखिम देखिएको केसीले जानकारी दिए। महानगरको कमलनगर र पुलचोक क्षेत्र बढी प्रभावित रहेको उनले बताए।
सङ्क्रमण बढेसँगै डेङ्गुको प्रकोप फैलिन सक्ने देखिएपछि कार्यालयले सबैलाई सतर्क रहन आग्रह गरेको छ। महानगरका १, २, ३, ४, १० नं वडा डेंगुको उच्च जोखिममा रहेको बताइएको छ। यी वडामा कबाडी पसल, ग्यारेज तथा वर्कशप र होटल धेरै छन्।
आर्थिक वर्ष २०७५\७६ मा एक हजार ९५१ जनाको रक्त परीक्षण गरिएकामा ३१ जनामा सो रोग देखिएको थियो। डेंगु रोग एडिस एजेप्टाइ नामको पोथी लामखुट्टेको टोकाइबाट लाग्छ। यो लामखुट्टेको टोकाइबाट बच्नसके डेंगुको सङ्क्रमणबाट बच्न सकिने हुँदा सतर्क रहन चिकित्सकले सुझाव दिएका छन्।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण