२ भदौ २०७६ , सोमवार

पाेखरामा एकै दिन डे‌ंगुका १६ बिरामी फेला

पाेखरा : पोखरा महानगरपालिका–८ मा आइतबार मात्रै डेंगुका १६ जना बिरामी भेटिएका छन्। पोखराका विभिन्न अस्पतालमा उनीहरूको उपचार भइरहेको छ।

वडा नं ८ भित्र कवाड स‌ंकलन केन्द्रमा रहेका टायरसँगै स्थानीयका घरमा रहेका पुराना भाडामा जम्मा भएको पानी नै डेंगु संक्रमणको प्रमुख कारक देखिएको स्वास्थ्य कार्यालयका अधिकृत याम बरालले जानकारी दिए।

कास्कीमा यही भदौ १ गतेसम्म १०१ जना डेङ्गुका बिरामी देखिएका छन्। पोखराका वडा नं. ८, ९ र १७ मा डेंगु सार्ने लामखुट्टे बढी देखिएका बताइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।