पाेखरा : पोखरा महानगरपालिका–८ मा आइतबार मात्रै डेंगुका १६ जना बिरामी भेटिएका छन्। पोखराका विभिन्न अस्पतालमा उनीहरूको उपचार भइरहेको छ।

वडा नं ८ भित्र कवाड स‌ंकलन केन्द्रमा रहेका टायरसँगै स्थानीयका घरमा रहेका पुराना भाडामा जम्मा भएको पानी नै डेंगु संक्रमणको प्रमुख कारक देखिएको स्वास्थ्य कार्यालयका अधिकृत याम बरालले जानकारी दिए।

कास्कीमा यही भदौ १ गतेसम्म १०१ जना डेङ्गुका बिरामी देखिएका छन्। पोखराका वडा नं. ८, ९ र १७ मा डेंगु सार्ने लामखुट्टे बढी देखिएका बताइएको छ।