उदयपुरको तराई क्षेत्रमा फैलिँदै डेंगु
उदयपुर : जिल्लाको तराई क्षेत्रका भूभागमा केही दिनदेखि डेंगु फैलिएको छ। केही हप्तायता जिल्लाको पूर्वी क्षेत्र बेलका चौदण्डीगढी, त्रियुगा नगरपालिकासहित जिल्लाको पश्चिमी क्षेत्रको कटारी क्षेत्रमा समेत डेंगु फैलिएको हाे।
जिल्ला स्वास्थ्य कार्यालय उदयपुरका अनुसार अहिले सबैभन्दा बढी डेंगु कटारी क्षेत्र, त्रियुगा नगरपालिकाको गाईघाट र चौदण्डीको बेल्टार बसाहा तथा बेलकाको रामपुर ठोक्सिला क्षेत्रमा फैलिएको हो। डेढ महिनाअघि कटारीमा दुईजनामा र चौदण्डीको बेल्टारस्थित बीपी चोकमा एकजनामा डेंगु देखा परेको थियो। अहिले यी क्षेत्रमा १६\१७ जनामा यसको संक्रमण भएको जिल्ला स्वास्थ्य कार्यालय उदयपुरका प्रमुख रमेश खकुरेलले जानकारी दिए।
डेंगुबाट बिरामी परेकामध्ये केहीको उपचार जिल्लामै उपचार भइरहेको छ। केही बिरामीको उपचार बिरामी जिल्ला बाहिर सुनसरीको धरान तथा १ नम्बर प्रदेशको विराटनगरका अस्पतालमा भइरहेको स्वास्थ्य कार्यालय उदयपुरले बताएको छ।
डेंगु फैलिन थालेपछि यसको जानकारी प्रदेश सरकार र प्रदेश स्वास्थ्य मन्त्रालयमा जानकारी गराइएको र यसको नियन्त्रणको विषयमा समेत छलफल शुरु गरिएको स्वास्थ्य कार्यालय उदयपुरले बताएको छ।
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ
स्वास्थ्यकर्मीहरुलाई नसर्ने रोग नियन्त्रण सम्बन्धी तालिम