भक्तपुर क्यान्सर अस्पताललाई अनियमितता गरेको आरोप
भक्तपुर : भक्तपुर क्यान्सर अस्पतालमा अनियमितता भएको दावी गर्दै भक्तपुरवासीले भक्तपुर नगरपालिकाका प्रमुख सुनिल प्रजापतिलाई ज्ञापनपत्र बुझाएका छन् ।
उनीहरुले अस्पतालमा भ्रष्टाचार भएको आरोप लगाउँदै त्यसलाई रोकेर अस्पताल सञ्चालनमा भूमिका निर्वाह गर्न नगरप्रमुख प्रजापतिलाई ज्ञापनपत्र बुझाएका हुन् । ज्ञापनपत्र बुझेपछि नगरप्रमुख प्रजापतिले क्यान्सर अस्पताल कुनै निजी व्यक्तिले खोलेको नभई सार्वजनिक हितमा स्थापना भएको र त्यसका लागि नगरपालिकाले जग्गा प्रदान गरेको बताए । उनले नगरवासीको न्यायोचित मागप्रति आफू गम्भीर हुने समेत बताए ।
ज्ञापनपत्र बुझेलगत्तै नगरप्रमुखको नेतृत्वमा जनप्रतिनिधिसहितको टोली तत्कालै भक्तपुर क्यान्सर अस्पतालको स्थलगत अवलोकन गरेको छ । नगरप्रमुख प्रजापतिले अस्पतालमा भइरहेको गलत कामका बारेमा व्यवस्थापन समितिका पदाधिकारीसँग जानकारी लिन खोज्दा कोहीपनि नगरप्रमुखको सम्पर्कमै नआएको प्रजापतिले बताए।
अस्पतालको स्थापनाकालदेखि नगरपालिका अस्पताल व्यवस्थापन समितिको सदस्य भए पनि कुनै पनि बैठकमा नगरपालिकालाई सहभागी नगराउनुमा आपत्ति जनाउँदै उनले भक्तपुर क्यान्सर अस्पतालले देशैभरिको रोगीको उपचार गरिरहेको र यसको निरन्तर सञ्चालनको लागि आवश्यक पहल गर्न सकारात्मक रहेको बताए ।
मेडिकल डाइरेक्टर ऋषिकेशनारायण श्रेष्ठले भक्तपुर क्यान्सर अस्पतालमा भएको आर्थिक अनियमिताबारेमा सत्यतथ्य छानविन गरिदिन आग्रहसमेत गरे । उनले अस्पताल व्यवस्थितरुपमा सञ्चालन गर्न तथा बिरामी सर्वसाधारणको उपचार सेवामा प्रभावकारिता ल्याउन नगरपालिकाको उपस्थिति हुनुपर्नेमा जोड दिए । रासस
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ