‘चिकित्सकहरूको पदस्थापन र समायोजन ऐनविपरीत’
काठमाडौं : नेपाल चिकित्सक संघले स्वास्थ्य सेवाका कर्मचारीको समायोजन ऐनविपरीत भएको भन्दै सरकारको ध्यानाकर्षण गरेको छ।
संघले मंगलबार जारी गरेको विज्ञप्तिमा स्वास्थ्य तथा जनसंख्या मन्त्रालय अन्तर्गतका चिकित्सकहरूको पदस्थापन कर्मचारी समायोजन ऐन र जेष्ठता बमोजिम नभएको उल्लेख छ।
पूर्वाग्रही ढंगबाट कुनै व्यक्ति विशेषलाई लक्ष्य गर्दै शक्ति र दबाबमा समायोजन तथा पदस्थापन गरिएको संघको आरोप छ। चिकित्सकहरूको समायोजन विवादास्पद र गैरन्यायिक निर्णयले समग्र स्वास्थ्य क्षेत्रमा नकारात्मक असर पुग्ने संघको दाबी छ।
निश्चित कार्यविधि र मापदण्ड वैज्ञानिक एवं पारदर्शी रूपमा तयार गरी कार्यान्वयन गर्न स्वास्थ्य तथा जनसंख्या मन्त्रालयसँग संघले माग गरेको छ।
नेपालमा क्यान्सर सर्भाइभरलाई केन्द्रमा राखेर विशेष कार्यक्रम
नेपाल क्यान्सर सम्मेलन सम्पन्न
औषधिलाई नै नटेर्ने संक्रमण : विश्वसामु बढ्दो एएमआर चुनौती
मेवाका फाइदा
मुटुरोगबाट बच्न के गर्ने ?