Health TV Online
Health TV Online

अवैध रूपमा सञ्चालित आधा दर्जन स्वास्थ्य संस्थामा शिल

अवैध रूपमा सञ्चालित आधा दर्जन स्वास्थ्य संस्थामा शिल

सिरहा : लामो समयदेखि नवीकरण नगरी अवैध रूपमा सञ्चालित आधा दर्जन निजी स्वास्थ्य संस्थामा जिल्ला स्वास्थ्य कार्यालय सिरहाले शिलबन्दी गरेको छ।

नवीकरणका लागि पटक–पटक ताकेता गर्दा पनि अटेर गरी सञ्चालन गरिरहेको सिरहाका लिलामदन पोलिक्लिनिक, त्रिशक्ति पोलिक्लिनिक, लहान एडभान्स पोलिक्लिनिक र हिमालय डेन्टल क्लिनिकमा शिलबन्दी गरिएको हो। यस्तै सेराज पोलिक्लिनिक, चाल्ड हेल्थ क्लिनिकलगायतमा शिलबन्दी गरी प्रक्रियामा आउन निर्देशन दिइएको जिल्ला स्वास्थ्य अधिकृत उमेशलाल कर्णले बताए ।

त्यसैगरी लहानस्थित मेरीगोल्ड पोलिक्लिनिक एण्ड डाइगनोस्टिक सेन्टर प्रालि बन्द गराएर प्रहरी निगरानीमा राखिएको कर्णको भनाइ छ।

जिल्ला स्वास्थ्य कार्यालयका प्रमुख नागेन्द्रप्रसाद यादवको नेतृत्वमा इलाका प्रशासन कार्यालय लहानका प्रतिनिधि, इलाका प्रहरी कार्यालयका प्रतिनिधिको टोलीले अवैध रूपमा सञ्चालित स्वास्थ्य संस्थामा शिलबन्दी गरिएको उनले जानकारी दिए।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार