काठमाडौं : नेपाल चिकित्सक संघले चिकित्सकहरूको तलबमान अन्तर्राष्ट्रिय मूल्य र मान्यताका आधारमा कायम हुनुपर्ने बताएको छ।

सरकारले यही साउन २२ गते जारी गरेको तलबमानमा चिकित्सक र प्राथमिक तृतीय श्रेणीका शिक्षकको तलब बराबर हैसियतमा उल्लेख गरिएको भन्दै संघले आपत्ति जनाएको हो।

संघले शनिबार विज्ञप्ति निकालेर अन्तर्राष्ट्रिय स्तरमा चिकित्सकको नियुक्ति नवौँ तहबाट हुने प्रचलनविपरीत आठौँ तहमा नियुक्ति भइसकेका चिकित्सकको तलब तृतीय श्रेणी बराबर हुनु न्यायोचित नभएको बताएको हो।

तत्काली प्रधानमन्त्री शेरबहादुर देउवाको पालामा स्वास्थ्य मन्त्रालय र नेपाल चिकित्सक संघबीच सम्झौता भई तयार पारिएको प्रतिवेदन कार्यान्वयन गरी चिकित्सक र स्वास्थ्यकर्मीको पारिश्रमिक समयानुकुल बनाउन संघले माग गरेको छ।

हेर्नुहाेस् विज्ञप्ति–