शहरी स्वास्थ्य केन्द्र सञ्चालनमा
भक्तपुर : सूर्यविनायक नगरपालिका–७ र ८ को संगमस्थल घ्याम्पेडाँडामा शहरी स्वास्थ्य केन्द्र सञ्चालनमा आएको छ।
प्रदेश ३ सरकारको १० लाख र सूर्यविनायक नगरपालिकाको १० लाख गरी २० लाख रुपैयाँको लागतमा निर्माण सम्पन्न भएको केन्द्रको उद्घाटन शुक्रबार सांसद महेश बस्नेतले गरे।
नगरपालिकाका प्रमुख वासुदेव थापाले अब सूर्यविनायकको वडा वडामा शहरी स्वास्थ्य केन्द्र विस्तार गर्ने तयारी गरेको बताए। उनले वडा वडामा रहेका स्वास्थ्य केन्द्रमा समेत प्रयोगशालादेखि सामान्य उपचार शुरु गरेको जानकारी दिए।
उक्त स्वास्थ्य केन्द्रमा गर्भवती जाँच, खोप, ड्रेसिङ, सामान्य उपचार, परिवार नियोजन, स्वास्थ्य शिक्षा, क्षयरोग नियमित औषधि सेवन, विद्यालय स्वास्थ्य शिक्षालगायत विभिन्न सेवा सञ्चालन भएको नगरपालिकाको स्वास्थ्यसेवा शाखाका वसन्तप्रकाश चापागाईँले बताए।
केन्द्र सञ्चालनमा आएपछि गुण्डु, सिपाडोलका सिलामगाल, धाबीखोला, रानीकोट, पाटी भञ्याङ, आशापुरी, काभ्रेको र्यालेलगायतका बासिन्दालाई अब सहज हुने जिल्ला जनस्वास्थ्य केन्द्रका प्रमुख पार्थमणि न्यौपानेले बताए।
खराब कोलेस्टेरोल घटाउन के खाने ?
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त