दूषित पानीले झाडापखाला फैलियाे
संखुवासभा : जिल्लाको पाँचखपन नगरपालिका–४ होक्सेमा दूषित पानीका कारण झाडापखाला फैलिएको छ।
झाडापखालाबाट हालसम्म झण्डै ३० जना बिरामी परेका छन्। महामारीका रूपमा गाउँमा झाडापखाला फैलिएको हो। गएको आइतबारदेखि होक्से माझगाउँमा झाडापखाला शुरु भएको स्थानीय भेषराज बस्नेतले बताए। झाडापखालाबाट अहिलेसम्म ९ पुरुष, १६ महिला र तीन जना बालबालिका बिरामी परेका छन्।
गाउँमा झाडापखाला फैलिएपछि पाँचखपन नगरपालिकाले प्रभावित क्षेत्रमा स्वास्थ्यकर्मीको टोली खटाएको छ । नगरपालिकाको स्वास्थ्य शाखा र लिङलिङ स्वास्थ्य चौकीका स्वास्थ्यकर्मीको टोलीले घरघर पुगेर बिरामीको उपचार शुरु गरेकाे पाँचखपन–४ का वडाध्यक्ष काजीबहादुर तामाङले जानकारी दिए।
नगरपालिकाका स्वास्थ्य संयोजक राजकुमार यादवको संयोजकत्वमा वाना प्राथमिक स्वास्थ्य केन्द्रबाट १ जना अहेब, लिङलिङ स्वास्थ्य चौकीबाट १ जना अहेव र शहरी स्वास्थ्य एकाइबाट एक अनमीको टोली प्रभावित क्षेत्रमा खटिएकाे छ।
प्रभावित क्षेत्रमा स्वास्थ्यकर्मीबाट उपचार भइरहेकाले झाडापखाला नियन्त्रणमा आएको जिल्ला स्वास्थ्य कार्यालय खाँदबारीका सूचना अधिकारी रोशन श्रेष्ठले जानकारी दिए।
खराब कोलेस्टेरोल घटाउन के खाने ?
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त