बच्चाको मृत्यु भएपछि ग्राण्डी अस्पतालमा प्रदर्शन

काठमाडौं : उपचाररत बच्चाको मृत्यु भएपछि मृतकका परिवार र आफन्तले ग्राण्डी अस्पतालमा प्रदर्शन गरेका छन्।

गत असार २० गते जन्मिएका गोल्फुटारकी निशा तामाङको जुम्ल्याहामध्ये एक बच्चाको मृत्यु भएपछि परिवार र आफन्तले प्रदर्शन गरेका हुन्।

अस्पतालले संक्रमणका कारण जन्मिएको १८ दिनपछि बच्चाको मृत्यु भएको जनाएको छ। बच्चाका बाबु दोर्जेका अनुसार असार ६ गते बच्चाको मृत्यु भएको हो।

उनले सामान्य अवस्थामा रहेको बच्चालाई अस्पतालले पैसाको लागि एनआईसीयूमा राखेको आरोप लगाए।

पटक पटक सत्य तथ्य छानबिन गर्न आग्रह गरे पनि अस्पतालले वास्ता नगरेपछि आन्दोलनमा उत्रिएको परिवारले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।