२१ साउन २०७६ , मङ्लबार

कारागारमा भाइरल ज्वरोको प्रकोप

उदयपुर : जिल्ला कारागार उदयपुरमा रहेका दुई तिहाइ कैदीबन्दीमा भाइरल ज्वरो देखा परेको छ।

कारागारमा कैद भोगिरहेका १७३ कैदीबन्दीमध्ये १२० जनामा भारइल ज्वरो देखिएको हो। कारागारका प्रमुख जेलर कुमार खड्का अनुसार आइतबारदेखि एका एक बिरामी परेका कैदीबन्दीलाई सोमबार जिल्ला अस्पताल गाईघाटका चिकित्सकको टोली लगेर उपचार गरिएको छ।

कारागारमा क्षमताभन्दा बढी कैदीबन्दी भएकाले ठूलो संख्यामा बिरामी परेको प्रमुख जेलर खड्काले बताए।

उदयपुरका प्रमुख सहायक जिल्ला अधिकारी तथा सूचना अधिकारी भीमप्रसाद भट्टराईले जिल्ला अस्पतालबाट १५ जनाको चिकित्सक टोली लगेर उपचार गरिएको बताए।

कारागारमा पुरुष १०५ कैदी र बन्दी ५२ जना छन्। महिला कैदी ८ जना, बन्दी ४ जना छन्। आमासँग आश्रित चार नाबालिग छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।