श्रीलंकामा डेंगुले ४७ जनाको मृत्यु
श्रीलंकामा यो वर्षको सात महिनामा डेंगुका कारण ४७ जनाको मृत्यु हुनुका साथै दुई लाखभन्दा बढी संक्रमित भएको श्रीलंकाली स्वास्थ्य सूचना विभागले जनाएको छ।
विभागका अनुसार जुलाईको अन्त्यसम्म दुई लाख ३४ हजारमा डेंगु देखिएको छ। राजधानी कोलम्बो जिल्लामा सबैभन्दा बढी सात हजार २६० जनामा डेंगु देखिएको छ भने कोलम्बो नजिकैको गाम्पाहामा तीन हजार र कालुतारामा दुई हजारभन्दा बढीमा यो रोग पाइएको छ।
इपिडिमियोलोजी एकाइले देशका पाँच जिल्लामा डेंगुको सबैभन्दा ठूलो जोखिम देखिएको जनाएको छ। राजधानी कोलम्बो समेत गाम्पाहा, ग्याल्ले, कालुतारा र रत्नापुरामा डेंगुको संक्रमण छ।
श्रीलंकामा गत वर्ष ५० जनाभन्दा बढीको मृत्यु डेंगुकै कारण भएको थियो भने ४८ हजारभन्दा बढी प्रभावित भएका थिए। एक प्रकारको लामखुट्टेको टोकाइबाट सर्ने यस रोगबाट श्रीलंका हरेक वर्ष प्रभावित हुने गरेको छ।
किष्ट शिक्षण अस्पतालको सेवा अब घरमै, ‘किष्ट एट होम’ सञ्चालनमा आउँदै
अस्पतालबाहिर सुत्केरी भएको घटनाबारे स्वास्थ्य मन्त्री भन्छिन् : कमजोरी देखिए कारबाही गर्छौ
बाढी प्रभावित तीन सय परिवारका लागि युएसभी फार्माको डेढ करोड सहयोग
फिजियोथेरापी संघद्वारा रक्तदान तथा स्ट्रोक र मुटुसम्बन्धी जनचेतनामूलक कार्यक्रम
आफ्नो घर आश्रममा १५० पुरुषको प्रोस्टेट स्वास्थ्य परीक्षण