१९ साउन २०७६ , आइतवार

बैतडीका अस्पतालमा झाडापखाला, आउँ र हैजाका बिरामी

बैतडी : जिल्ला अस्पताल बैतडीमा बिरामीको संख्या बढेको छ। दैनिक १०० को हाराहारीमा बिरामी आउने गरेको जिल्ला अस्पतालले जनाएको छ।

अस्पताल आउने प्रायः झाडापखालाका बिरामी भएको अहेब विनोदप्रसाद भट्टले जानकारी दिए। यसका साथै छालाको रोग, भाइरल ज्वरोका बिरामी पनि बढेको अस्पतालले जनाएको छ।

यस्तै, पाटन प्राथमिक स्वास्थ्य केन्द्रमा पनि बिरामीको संख्या बढेको बताइएको छ। केशरपुर प्राथमिक स्वास्थ्य केन्द्र मेलौलीमा पनि बिरामीको संख्या बढेको जनाइएको छ।

वर्षातको समयमा पानीको मुहान फोहोर हुने भएकाले अन्य समयको तुलनामा वर्षातमा पानीजन्य रोग बढ्ने गरेको हो। दूषित खानेपानीका कारण झाडापखाला, आउँ, हैजाको प्रकोप बढेकाले पानी शुद्धीकरण गरेर मात्रै प्रयोग गर्न जिल्ला अस्पतालले आग्रह गरेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।