१७ साउन २०७६ , शुक्रबार

दाङमा प्रसूति सेवा लिनेमा १९ प्रतिशत २० वर्षमुनिका

दाङ : राप्ती प्रादेशिक अस्पताल गत आर्थिक वर्षमा साढे पाँच सयभन्दा बढी २० वर्षमुनिका आमा बनेका छन्।

अस्पतालमा सुरक्षित रूपमा सुत्केरी सेवा लिने दुई हजार ९९४ जनामध्ये ५६८ जना २० वर्षमुनिका रहेका अस्पतालले जनाएको छ। तीमध्ये १५ वर्षसम्मका ६, १६ वर्षसम्मका ३१, १७ वर्ष सम्मका ९९, १८ वर्ष सम्मका २०९ र १९ वर्षसम्मका २२३ जना रहेकाे अस्पतालका सूचना अधिकारी कमल सुवेदीले बताए।

अस्पतालको तथ्यांकअनुसार कम उमेरमा आमा बन्ने किशोरीको अनुपात १९.०३ प्रतिशत रहेको छ। तर, २० वर्ष पूरा भएपछि मात्रै विवाह गर्न पाउने कानुनी प्रावधान छ। कम उमेरमा आमा बन्दा मानसिक र शारीरिक रूपमा गम्भीर समस्या आउन सक्ने स्त्रीरोग बताउँछन्।

कम उमेरमा बच्चा जन्माउँदा महिलामा, पाठेघर खस्ने, क्यान्सर हुने, शारीरिक कमजाेरी र रक्तश्राव भएर ज्यानै जानेसम्मको जोखिम हुन्छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।