१६ साउन २०७६ , बिहिबार

बच्चा जन्माउन नसकी सुत्केरीकाे मृत्यु

हुम्ला : सर्केगाड स्वास्थ्यचौकीमा प्रसूतिका लागि ल्याइएकी एक महिलाको मृत्यु भएको छ। बुधबार बिहान प्रसूतिका लागि सर्केगाड स्वास्थ्यचौकीमा भर्ना भएकी वडा नं. ४ साँयागाउँकी २० वर्षीया अनरुपा टमटाको मृत्यु हो।

सुत्केरी व्यथा लागेपछि बुधबार बिहान ४ बजे प्रसूतिगृह ल्याइए पनि उपकरण अभावमा उनको मृत्यु भएको स्वास्थ्यचौकी प्रमुख देवेन्द्रवीर मगियाले जानकारी दिए।

बुधबार बिहान सुत्केरी व्यथा लागेसँगै टमटालाई स्वास्थ्यचौकी लगिएको थियो। बच्चा जन्माउन नसक्दा उनको मृत्यु भएको प्रमुख मगियाले जानकारी दिए।

दुर्गम जिल्ला हुम्लाका प्रायः स्वास्थ्यचौकीमा औषधि, उपकरण नहुँदा सुत्केरीले ज्यान गुमाउने गरेका छन् । जिल्लाका महिलाले सानै उमेरमा विवाह गरेर छिटो बच्चा पाउने हुँदा उनीहरू जाेखिममा रहने गरेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।