काठमाडौं : राष्ट्रिय चिकित्सा शिक्षा आयोगको उपाध्यक्ष पदका लागि ११ जना डाक्टरहरुले दरखास्त हालेका छन् । खुल्ला प्रतिस्पर्धाबाट उपाध्यक्ष नियुक्त गर्न सरकारले गठन गरेको सिफारिस समिति समक्ष उनीहरुले दरखास्त हालेका हुन् ।

यसअघि दरखास्त हालेका व्यक्तिहरु अयोग्य भएको भन्दै सूचना बदर गरेर उपाध्यक्ष नियुक्ति गर्न  समितिले साउन १ गते दोस्रो पटक सार्वजनिक सूचना जारी गरेको थियो। आवेदन दिने मिति साउन १५ अर्थात आजसम्म थियो ।

यसरी दरखास्त दिनेहरुमा प्राडा शम्भुकुमार पहारी, प्राडा सुरेन्द्र शेरचन, प्राडा जेएन पाण्डे हिमाली, प्राडा यहुनचन्द्र सिवाकोटी, प्राडा तरुण पौडेल र प्राडा राजेन्द्रप्रसाद साह छन् । यसैगरी अघिल्लोपटक दरखास्त हालेका प्राडा श्रीकृष्ण गिरी, डा निलमणि उपाध्याय , प्राडा पारसकुमार पोखरेल प्राडा रमेशप्रसाद सिंह, र प्राडा प्रमोदकुमार शर्माले पनि पुन दरखास्त दिएका छन्।